Pse Hallakate?

Në Hallakate jemi online çdo ditë. Kjo na bën që të kuptojmë se kur, ku dhe kush është online. Leximi i të dhënave çdo ditë, të 1M përdoruesve aktiv në Kosovë, na bën që të kuptojmë shprehitë e tyre online. Të dhënat që i hallakatim, na ndihmojnë të gjejmë zgjidhje kreative për sfidat e klientëve tanë. 

Si mendojmë në Hallakate?

Kreativiteti është tipari kryesor i ekipit tonë. Andaj, edhe idetë tona reflektojnë në ndërveprimin njerëzor, në shprehitë, si dhe në marrëdhëniet e përdoruesve. Përmes këtyre veprimeve vërehet nevoja dhe mungesa, mbi të cilat gjenerohen ide kreative që sjellin zgjidhje reale. Përmes kreativitetit ne gjejmë shtigje të reja për të krijuar modele me anë të së cilave krijohen lidhje të reja me të zakonshmen.

Çka na bën të veçantë?

Ajo që na bën të veçantë është qasja jonë. Për çdo projekt që marrim përsipër, nisim duke i lexuar të dhënat, pastaj takohemi me ju dhe punojmë krahë për krah për të kuptuar qëllimin dhe industrinë tuaj. Ne punojmë së bashku që t’i vendosim qëllimet dhe objektivat e prezencës suaj online. Ne jemi gjithmonë të sinqertë dhe të drejtëpërdrejtë me ju, andaj ajo që na bën edhe më të veçantë dhe të dallojmë nga konkurrenca është se ne i qëndrojmë parimit një klient – një industri.

Si e masim suksesin në Hallakate?

Ne jemi kompani që punojmë drejt rezultatit. Kemi sukses atëherë kur idetë tona zgjidhin problemin e juaj dhe kur bashkëpunimi jonë arrin qëllimet biznesore. Përveç kësaj, arritja e objektivave të projekteve/kampanjave specifike të klientëve tanë, luan rol kyç. Bashkëpunimi i vazhdueshëm me klientët tanë dëshmon suksesin tonë në këtë industri.