TikTok është një platformë sociale e cila përmes aplikacionit të saj numëron mbi 500 milionë përdorues aktiv çdo muaj. Ky aplikacion përdoret për krijimin dhe shpërndarjen e videove të shkurtra, komike, me efekte dhe muzikë. Fillimisht u lëshua në treg nën emrin ‘Douyin’ në vitin 2016 në Kinë. 

Pas një viti, ky aplikacion u lëshua në vendet jashtë Kinës përmes kompanisë ByteDance. Pikërisht kjo kompani, në të njejtin vit, bleu aplikacionin ‘Musical.ly’ dhe si rezultat pati akses të drejtëpërdrejtë në targetimin e grupmoshave të reja në tregun amerikan dhe më gjërë, me çka u rrit dukshëm përdorimi. 

Një karakteristikë tjetër e TikTok janë edhe sfidat e veçanta, si psh. #raindropchallenge, #posechallenge ose #haribochallenge. 

Atëherë, si të përdorim aplikacionin sensacional, TikTok?

– Pasi e keni shkarkuar aplikacionin në telefon, duhet të krijoni llogarinë tuaj personale.

– Ne Homepage, klikoni ikonën në këndin e djathtë poshtë.

– Egzistojnë dy mënyra për tu lidhur: krijimi i një llogarie të re ose përdorimi i një sistemi të tretë për tu lidhur si psh. Email, Facebook, Instagram apo Twitter. 

– Nëse zgjedhni të krijoni një llogari të re, atëherë duhet të selektoni ditëlindjën tuaj.

– Mundeni të lidheni përmes numrit të telefonit ose email adresës. 

– Krejt në fund, vendosni fjalëkalimin.

Për të krijuar video të re:

– Klikoni në butonin ‘+’.

– Filloni të incizoni.

– Mbani butonin e kuq për të incizuar.

– Mundeni të përdorni edhe opsionin ‘Countdown’ në anën e djathtë për tu përgatitur para se të fillojë incizimi.

– Mund të zgjedhni shpejtësinë me të cilën shkon incizimi, filtera të ndryshëm për video dhe efekte.

– Duke klikuar në butonin ‘Pick a sound’ mund të zgjedhni ndonjë muzikë për ti dhënë më dinamikë videos tuaj.

– Njëkohësisht, mundeni ta editoni videon duke e prerë zërin, përshtatur volumin etj…

Fakte tjera interesante për TikTok:

– është aplikacion falas android dhe IoS 

– numëron mbi 1 miliardë përdorues 

– 1.5 miliardë shkarkime të aplikacionit në AppStore dhe Google Play

– 41% të përdoruesve janë të moshës 16 deri në 24 vjeç

– 60% e përdoruesve i takojnë gjeneratës Z

– 466.8 milionë shkarkime në Indi, 173.2 milionë shkarkime në Kinë, 123.8 milionë shkarkime në SHBA

– përdoruesit shpenzojnë mesatarisht 52 minuta në ditë

– TikTok mund të përdoret në mbi 150 shtete

– numri i përdoruesve të rritur në SHBA është rritur nga 2.6 milionë në vitin 2017 në 14.3 milionë në vitin 2019

– më shumë se 1 miliard video janë shikuar çdo ditë në vitin 2019

– shumë krijues në TikTok kanë me miliona ndjekës

– hashtag-u #Kosovo është shikuar 254 milionë herë

– hashtag-u #kosovogirl është shikuar 14.8 milionë herë

– vetëm hashtag-u #ukcomedy i vetëm i ka mbi 5.7 miliardë shikime

– vetëm në vitin 2018, ky aplikacion është shkarkuar mbi 600 milionë herë

Përshkak të suksesit të madh të këtij aplikacioni, platforma më e madhe sociale, Facebook, tash e disa kohë po mendon një strategji për të mposhtur TikTok. Si rezultat, Facebook lëshoi një aplikacion të ngjajshëm të quajtur Lasso, që është pothuajse identik sikur TikTok dhe i cili njejtë ka për target, grupmoshat e reja si fëmijët dhe adoleshentët. 

Para disa muajve, u publikuan edhe audio incizime gjatë një mbledhje të kryesisë së Facebook-ut ku dëgjohet diskutimi i Mark Zuckerberg dhe anëtarëve të tjerë, pikërisht rreth suksesit të TikTok.